Fátt jafnast á við það að heyra góða sögu og áheyrandinn meðtekur söguna á svo miklu fleiri vegu en bara í gegnum hlustirnar.  Sögur eru tungumál sálarinnar og hafa því verið notaðar í gegnum aldirnar til að skapa skilning og miðla gildum. 

Við höfum fengist nokkuð við sagnalist.  Ingi Hans er í hópi helstu sagnamanna landsins og Sigurborg fetar einnig slóð söng- og sagnakonunnar. 

Auk þess að koma fram á sagnavökum hérlendis og erlendis og við ýmis önnur tilefni, höfum við haldið sagnanámskeið bæði með börnum og fullorðnum.